Samfélagsfræði

Við erum búin að vera að læra um kristnitökuna árið 1000, biskupa og margt fleira það var alveg ágætt að læra um þetta og við gerðum mjög fjölbreytt verkefni eins og tímaás. Biskupar: Við lærðum um biskupa þeir sem að mér fannst áhugaverðastir voru Jón Ögmundsson Hólabiskup (1052-1121). Jón var staðfastur maður. Hann reisti fyrstu dómkirkjuna á Hólum og fyrstu skólabygginguna á Íslandi. Hann vildi að fólk lifði eftir boði Guðs og átti það til að refsa þeim sem það ekki gerðu. Jón var mjög góður maður og hjálpaði fátækum. Ísleifur Gissurarson Skálholtsbiskup (1006-1080). Ísleifur var höfðingi í eðli sínu. Foreldrar hans voru efnaðir og gátu sent hann til náms í Þýskalandi. Hann var fyrsti biskupinn á Íslandi. Hann var kraftmikill og frumkvöðull í starfi sínu, manna vænstur og hélt sínu striki til æviloka. Mér fannst þeir áhugaverðastir af því að þeir voru fyrstu biskuparnir í Skálholti og á Hólum. Kristnitakan: Við lærðum líka um kristnitökuna árið 1000 við áttum að skrifa frétt um kristnitökuna í vinnubókina okkar það sem mér fannst áhugaverðast var hvernig kristnitakan fór fram. Bókin sem við notuðum heitir Sögueyjan og var nokkuð skemmtileg.